الباحث عن عمل في زمن كورونا

لعالم توقف عن العمل !!

العالم كله حاليا في فترة سكون غير مسبوق بسبب الفيروس المستجد (COVID-19)  او فيروس كورونا. لمنع انتشار العدوي بين الناس و الحد منها تم تعليق العمل فيمصالح كتير جدا و جهات حكومية و خاصة لحين استقرار الاوضاع. للاسف في فئات كتير اتضررت من التوقف المفاجىء دة و اشخاص زي الباحثين عن عمل. لان فرصتهم في ايجاد عمل في الفترة الحالية بقت شبه مستحيلة. لكن عسي ان تكرهوا شيئا وهو خيرا لكم. لان دي احسن فترة للمذاكرة و تطوير النفس.

فترة السكون دي هي احسن وقت تقدر تشتغل في علي نفسك عشان لما ترجع الامور لطبيعتها , تقدر تتقبل في اي شغل و انت مطمن و تبقي منافس شرس في اي مجال.  كمان تبقي من انضج الناس في المكان و فكرك يكون موثوق فيه … اكيد هيفرق معاك في حياتك الشخصية و مجال عملك.

لو انت جاهز للعمل و معاك شهادة و عندك ما يكفي من العلم انك تشتغل لازم تعرف ان ده مش كفاية و انك ممكن تضيف لنفسك عن طريق شوية افكار و تفاصيل بسيطة لكن تبقي نقلة مميزة ليك. ضروري تكون مدرك ان اي حاجة هتعملها  هي خطوة في خطتك للنجاح . بناء عليه لازم تكون مركز جدا وقادر تقوم بمتابعة افكارك وسط سوق العمل و تطورها . ده هيخليك تقدر تواكب سرعة السوق في التطور و تبقي دايما جزء منه.

المهارات اللي عندك لازم تقدر تنميها في الفترة دي و من اهمها انك لازم تتعلم تنظيم الوقت. تنظيم الوقت هو بداية اي صاحب عمل شاطر. متخليش عدم الخروج يخلق عندك احساس اننا في يوم كبير بيتفصل بالنوم و متاح وقت كتير تشتغل فيه لان ده مش حقيقي. لازم تبقي مرتب يومك و وقتك كويس وتقدر وقتها ترتب افكارك و تقسمها علي اليوم كله . الوقت ده تستغله في ثلاث حاجات.

لازم تتعلم اكتر عن مجالك لانك من خلال الانترنت تقدر توصل لمصادر كتير جدا باشكال مختلفة عشان تتعلم و تتابع اخر الاحداثيات في مجالك. هتلاقي مقالات و تسجيلات و كورسات كلها تخص مجال عملك. استغل وقتك الفاضي في انك تذاكر و تبني لنفسك خبرة و معلومات في مجال العمل ال بتحبه. طبعا من الضروري انك تستفيد بخبرات غيرك و تقرأ في اي مجال ليه علاقة بمجالك عشان تدعم نفسك بمعلومات تخليك تقدر تتحرك بخطوات اسرع.

نفسك و معلوماتك لازم تكون قيمة. لان من الحاجات المهمة بالنسبة لاي صاحي عمل ان الناس اللي هيساعدوه يكونوا علي قدر كبير جدا من العلم و الوعي.  ده بيفرق جدا في نتائج الشغل و طريقة القيام بالعمل و ادارة الوقت . لازم بشكل يومي تقرا حاجة جديدة في اي مجال حتي لو غير مجالك زي الطب و الهندسة او الادارة او حتي اي حرفة او اخر مخلوق اكتشفوه العلماء في الجزر الجديدة لان ببساطة علطول بتنشط افكارك و بتزود من معلوماتك و دة يخليك تبقي واعي و ناضج.

و اخيرا صحتك … من غيرها مش هتعرف تشتغل ولا تفكر لانك هتبقي تعبان و مش فايق لاي انتاج . من الاساسيات في الفترة دي انك تهتم بصحتك و وزنك لان في اماكن كتير بتختار الناس المهتمة بصحتها لان دة دليل علي الاصرار و الانضباط… عشان تتقبل في اي شغل ضروري يكون شكلك مهندم و صحتك كويسة و مركز علي الانطباع الاول اللي هيتسبب فيه شكلك و ممكن يكون عامل كبير في قبولك او رفضك.  العقل السليم في الجسم السليم مفيش حد صحتة ضعيفة بيقدر يركز في شغله.

لو قدرت تركز في الثلاث حاجات دول و تنظم وقتك في استغلالهم . هتلاقي ان بعد الازمة دي ما تخلص في فرق كبير بينك و بين كل المنافسين المحتملين اللي مركزوش علي النقط دي.

موقع سي في بيقدملك مجموعة من المقالات اللي هتساعدك تعرف تعدي المرحلة دي و انت مستفيد من كل لحظة فيها و تقدر تبدأ من دلوقتي و تدور علي الكورسات او الكتب اللي هتساعدك في مجالك و تنميها و هتلاقي علي الموقع نصائح و افكار جديدة كل يوم من خلال ال blog. و تقدر كمان تدعمها بالمجالات التانية و المعلومات العامة عشان تبقي اضافة قوية ليك بعد كدة في اي مجال عمل.

هذه المقاله مقتبسة من موقع سي في ورلد https://ift.tt/2WMjRWU

مصدر هذه المقالة https://ift.tt/35XjnS7

مصدر هذه المقالة https://ift.tt/2Z1e2Yu
via IFTTT